Од играчите на Јунајтед само Погба не аплицирал за кинеска виза, што се крие зад потегот на Французинот?

Во текот на оваа недела играчите на Оле Гунер Солскјер поднесоа барање за кинеска виза, но тоа не го стори и Пол Погба.

Вестите само ги подгреваат шпекулациите дека Погба ќе го напушти Манчестер јунајтед ова лето и ќе се пресели во Реал Мадрид.

Но, клубот инсистира дека Погба ќе аплицира за виза подоцна од другите поради проблеми со пасошот.

Јунајтед инсистира дека Погба не е на продажба и покрај интересот од Реал Мадрид за кој тој е една од главните цели.

„Не можете ништо да гарантирате во фудбалот, но мислам дека Погба и следната сезона ќе биде тука. Можам да ве уверам дека тој е многу посветен за успех на Манчестер јунајтед“, изјави Солскјер.