Неодамна во хрватската јавност се појави информација дека хрватскиот селектор, Златко Далиќ би можел да го напушти кормилото на репрезентацијата и да се пресели во Катар.
Се споменуваше дека Катарците започнале преговори и му понудиле на Далиќ богат договор да ја води нивната репрезентација. Шпекулациите беа подгреани и со посетата на Далиќ во Катар, но како што самиот сега порача од тоа нема ништо.
На прашањето за неговата иднина од хрватските медиуми, Далиќ порача дека неговиот фокус е само настапот во Лигата на Нации.
„Мојот фокус е на Франција со која ќе играме во Лигата на Нации. Сакаме да се пласираме на фајнл-фор турнирот. Зошто бев во Доха тоа е моја приватна работа, немам потреба да ви кажам и нема да коментирам повеќе“, изјави Далиќ.
Ќе потсетиме, Хрватска во четвртфиналето од Лигата на Нации ќе се соочи со Франција на 20-ти март, а реваншот е закажан три дена подоцна.