Во рамките од 20. коло во Премиер лигата на „Енфилд“, Ливерпул ќе го пречека Манчестер јунајтед во најголемото дери на англискиот фудбал.
Натпреварот двете екипи го дочекуваат во различни ситуации. На Манчестер јунајтед не му оди и се мачи и со Аморим на клупата, додека Ливерпул изгледа моќно под водство на Слот и на врвот на табелата веќе има шест бода повеќе од Арсенал, но и натпревар помалку.
Новинарите пред ова дерби му поставија прашање кое за Слот беше и чудно.
„Дали ќе ги одморам играчите во овој натпревар? Ова е многу чудно прашање. Не планирам да ги одморам играчите. В недела ни следи голем натпревар и за мене тоа е најважниот во овој момент.
Манчестер јунајтед има подобри фудбалери од она што го покажува табелата. На Рубен можеби ќе му треба време, меѓутоа сигурен сум дека ќе пронајде излезе. Тие се подобар тим од она што го покажува моменталниот пласман“, изјави Слот.
Дербито помеѓу Ливерпул и Манчестер јунајтед се игра в недела во терминот од 17:30 часот.