Аргентински новинари и фудбалски стручњаци од оваа земја велат дека Меси е тој кој го прави списокот на фудбалери, дека тоа е репрезентација во која играат неговите пријатели, а не најдобрите играчи на Аргентина.
Кон овие критики се приклучи и Рикардо Ломбарди, тренерот на Тигре.
„Меси избрка седум селектори. Дури мислам дека и намерно игра лошо за Сампаоли да си оди. Мислам дека тој треба да биде избркан, а не селекторот. Меси не игра така како што ќе му каже селекторот. Сака да биде опкружен со фудбалери кои му се допаѓаат, а не со најдобрите“, вели Ломбарди.
Се пишува дека Меси е причината што Икарди не е во репрезентацијата и што Дибала ретко добива шанса иако беше еден од најдобрите во Јувентус.
Аргентина вечерва игра со Нигерија, а Меси со добро издание може да ги демантира критичарите и да покаже дека тој не е проблемот за лошите резултати, напротив тој може да биде спасителот.