Нова „шлаканица“ од Солари за Иско

Реал Мадрид го
изостави плејмејкерот Иско за вечерашниот реванш со Барселона на домашен терен
во рамките на полуфиналето од шпанскиот Копа дел Реј, како за потсетување, на
првата пресметка на Камп Ноу немаше победник (1-1).

Односите помеѓу
шефот на стручниот штаб на Кралевите, Сантијаго Солари и Иско од поодамна е
познато дека се разнишани, а шпанскиот репрезентативец нема да земе учество
вечерва на Сантијаго Бернабеу, и покрај тоа што нема никаква повреда.

Иско е голема
желба на Јувентус, се чини дека италијанскиот првак на лето ќе фрли се’ на една карта за да го доведе Шпанецот во
своите редови во летниот преоден рок, барем така претходно извести Скај Спорт
Италија.