Ништо од трофеј уште во март: Монако победи и го одложи славјето на ПСЖ

Екипата на Монако успеа да слави во дерби дуелот со Ница (2-1) и го спречи лидерот ПСЖ да го освои трофејот уште во 27. коло на Лига 1.

Гостинската екипа во кнежевството поведе со голот на Џереми Бога откако претходно Бирет промаши пенал. Сепак, тој се оддолжи во вториот дел со гол за 1-1, додека пресвртот го комплетира Брил Емболо

На парижани им беше потребно реми на Монако и Ница за математички да го обезбедат трофејот уште во март. За такво нешто сепак ќе почекаат барем до петти април кога на домашен терен ПСЖ ќе има шанса да ја осигура титулата во дуелот со Анжер.