Вардар не е во најдобра форма, не блеска во домашното првенство, а лошите игри кулминираа со пораз од Победа во минатото коло.
Утре со почеток од 14:30 часот Вардар игра првенствен меч против Работнички, на сите во таборот на „црвено-црните“ им е јасно дека веќе немаат право на негативен резултат доколку сакаат да ја одбранат титулата.
„Пред нас имаме дерби и не смееме веќе да си дозволиме грешка. Одиме како и на секој натпревар да ги освоиме бодовите од овој дуел и да победиме. Го загубивме натпреварот со Победа, но имаме шанса веќе утре да се вратиме на победничките патеки. Треба на секој натпревар да размислуваме на три бода. Верувам дека ќе успееме да ги освоиме бодовите, и така најбрзо да го заборавиме натпреварот со Победа. Треба сите да дадеме максимум. Ова е дерби во кое се е можно. Имаме желба и мотиви да дојдеме до триумф на овој натпревар, и да почнеме една нова победничка низа во првенството“, изјави Николов за официјалниот сајт на Вардар.