Тренерот на Борусија Дортмунд, Нико Ковач, повторно се најде во фокусот на англиските медиуми, овојпат поради интересот од Манчестер Јунајтед.
Според информации на Скај Спорт, Ковач е на потесниот список на желби на Манчестер јунајтед, кој се распрашувал за неговата ситуација. Неговото име неодамна било разгледувано и во Челси по отказот на Енцо Мареска, но засега нема конкретни контакти или преговори.
И покрај интересот, Ковач е цврсто врзан за Борусија Дортмунд, со која има договор до 2027 година. Под негово водство, тимот бележи одлични резултати и се наоѓа на второто место во Бундеслигата, како и во добра позиција во Лигата на шампионите.
Англиските медиуми наведуваат дека Манчестер Јунајтед нема да отвора преговори до пред крајот на сезоната и ќе му даде шанса на Мајкл Керик, но Ковач останува тренер кој внимателно се следи како можна опција за летниот период.