Несторовски уште еднаш ја покажа својата љубов кон Палермо (ФОТО)

Капитенот на Палермо и македонски репрезентативец, 27
годишниот Илија Несторовски на социјалните мрежи уште еднаш ја докажа својата
голема приврзаност кон неговиот тим.

Прилепчанецот објави фотографија на која ја илустрираше
розовата боја, инаку препознатлива за тимот од Сицилија кој со три победи и
шест ремија по девет кола во Серија Б се уште нема пораз во новата сезона од
второлигашкото друштво на Италија.

Нашиот напаѓач на шест натпревари постигна четири
погодоци, а веќе пренесовме дека медиумите од Сицилија пренесоа дека Палермо е
во преговори со Македонецот околу нов договор, актуелниот важечки истекува во
јуни, 2019. година.