Како одминува преодниот рок, така се поизвесно е дека Илија Несторовски нема да направи трансфер, ќе остане во Палермо и ќе се бори за експресно враќање во Серија А.
На вчерашната прва контрола на подготовките во која Палермо победи австриски нисколигаш со 13-2. Несторовски четири пати ја тресеше противничката мрежа.
„Задоволен сум со овие четири гола, но важното од вчерашниот натпревар е дека игравме како тим. Среќен сум што вчера прв пат бев капитен, ова за мене е една многу убава работа и мотивација да работам уште повеќе. Благодарам на Ѕампарини што ми ја даде довербата. Имам уште три години од договорот со Палермо, подготвен сум да останам, во моментов не размислувам за трансфер. Нашата цел е веднаш да се вратиме во Серија А затоа што овој град, овој клуб и овие навивачи го заслужуваат тоа“ – изјави Несторовски за сајтот на Палермо.