ФК Работнички продолжува гордо по европскиот пат. Тимот по седум години се врати и ќе учествува во Европа, а претставниците на клубот преку програмите на ЕКА котираат високо и постојано се надградуваат и дообразуваат.
Генералниот секретар Ненад Монев е веќе експерт и ментор на новата генерација, на која сега присуствува техничкиот секретар, Стефан Драган Павлов. Ненад Монев во наредната година ќе биде ментор на млади фудбалски административци во клубови како Арсенал, Милан, ПСЖ, Ајнтрахт Франкфурт, Келн, Бохум, Бенфика, Феенорд, ПСВ Ајндховен, Депортиво Ла Коруња, Жалгирис, Сараево, Сутјеска, Работнички…
Во друштвото на ментори Ненад Монев е заедно со колеги од Германската фудбалска федерација, Реал Мадрид, Бетис, Спортинг Лисабон, Ференцварош, Крусадерс, Сутјеска…
Техничкиот секретар Стефан Драган Павлов е дел од новата генерација на млади фудбалски административци кои се дел од програмата на ЕКА.
Практичниот дел беше изминатава недела во Лисабон, а вториот дел ќе се случува во текот на годината преку менторство и взаемна посета на менторите и студентите на нивните клубови. Преку својот мандат за поддршка на европските клубови и пристапот до експертиза од индустријата, ЕКА внимателно ги одбра тематските области, соработниците и разви формат за кој верува дека најдобро ќе го постигне ова.
Важно е да се обезбеди холистички поглед на управувањето со клубовите и како овие области се меѓусебно поврзани и придонесуваат за успехот на клубот. Во главните термини, ЦTMP ќе обезбеди увид во клупскиот фудбал, стратегија во управувањето со фудбалски клубови, лидерски вештини и 12-месечна шема за менторство.