Добро упатениот Ла Паризиен открива нови детали од најавуваниот рекорден трансфер на Нејмар во ПСЖ.
„Светците“ покрај тоа што ќе платат 222 милиони евра, со бонуси, премии и платата на играчот, зделката е вредна околу 500 милиони евра.
Но само парите не се доволни, Нејмар има барања околку составот на ПСЖ, и тоа кои играчи да пристигнат но и кој да остане.
Ла Паризиен вели дека еден играч веќе е донесен, Дани Алвеш го одбил Манчестер Сити и се преселил во ПСЖ кога слушнал дека има шанси Нејмар да го облече дресот на „Светците“.
Нејмар побарал ангажман на Филипе Кутињо ова лето, кој исто така е желба и на Барселона.
ПСЖ е свесен дека оваа зделка е комплицирана, па како алтернатива го гледа Алексис Санчез од Арсенал.
Нејмар сака во Париз да остане и неговиот сонародник Лукас Мура, кој не ужива голема доверба кај тренерот Унаи Емери.
Ла Паризиен исто така додава дека на листата со желби има уште две засилувања од светска класа, но весникот не ги открива имињата.