153
И покрај тоа што резултатот меѓу Јунајтед и Шериф се уште беше 0-0, Антони одеднаш почна да се врти беспотребно на теренот. Бразилецот направи циркузантски потег кој наиде на остри критики, особено во Англија.
Повеќето англиски критичари го нарекоа срамно тоа што го направи Антони, а некои отидоа и дотаму што фудбалерот го нарекоа кловн.
Нејмар кој има сличен стил на игра со Антони, застана во одбрана на својот сонародник и рече да продолжи да биде таков и да не менува ништо.
„Продолжи така, не менувај ништо! Оди по тоа момче! Смелост и радост“, напиша Нејмар на инстаграм стори.