Нејмар ќе се жртвува за Сантош и ќе игра со инјекција во борбата за опстанок?!

Медиумите од Бразил велат дека постои шанса Нејмар да му помогне на Сантош во битката за опстанок и да игра со инјекции, но ова може да му направи проблеми на долг план.

Нејмар има повреда на менискусот на коленото и се говори дека годината за него е завршена.

Но неколку извори пренесуваат дека повредата не е толку сериозна и напаѓачот би можел да игра со инјекција.

Сантош во последните кола ќе се бори за опстанок, па Нејмар би можел да стисне заби и да помогне.

Сепак, еден ваков потег може да му направи проблем на долг рок, односно повредата да се влоши и тој многу подолго да биде надвор од стројот.

Токму и поради ова, неговиот татко се противи на идејата Нејмар да игра со инјекција.