Бразил веќе успеа да избори пласман на Мундијалот во
Русија идната година, а еден од репрезентативците на една од најфудбалските
земји во светот, Нејмар во изјава за клупската телевизија на Палмеирас, откри четворица
фудбалери кои му биле идоли уште од раното детство.
„Моите идоли кога бев дете беа Еваир, Маркос, Ривалдо и
Алекс“ изјави тој за „Палмеирас ТВ“.
И покрај тоа што потекнува од фудбалската академија на
Сантош, тој не криеше дека бил голем навивач на Палмеирас, па двајца на таа негова листа се поранешни фудбалери на таа екипа, Еваир, исто како и Маркос, кој е еден од најдобрите фудбалери во клупската историја на Палмеирас.
Останатите двајца се мошне добро познати, првиот е
поранешниот фудбалер на Фенербахче и вистински мајстор со топката кога станува
збор за ударите од прекини, Алекс, а четвриот е Ривалдо, поранешната ѕвезда на
Барселона, од каде изминатово лето Нејмар си замина и потпиша за ПСЖ.