„Не сум гризнат од зомби!“ – фудбалер на Болоња ја објасни мистериозната рана на вратот

Напаѓачот на Болоња, Јенс Одгард мораше да се правда откако стана хит на социјалните мрежи поради мистериозен црвен круг на неговиот врат, дел од лудите теории велеа дека Данецот бил гризнат од зомби.

Изминатиов викенд, Болоња со три бода си замина од гостувањето кај Венеција и се врати во топ четири на табелата и местата кои водат во Лигата на шампиони.

По крајот на натпреварот, Јенс Одгард стана хит на социјалните мрежи поради огромната рана на вратот, а најлудите теории велеа дека напаѓачот бил гризнат од зомби па затоа има мистериозен црвен круг.

„Ништо сериозно, тоа е последица на медикаменти кои ги користам, не сум гризнат од зомби“ – објасни Јенс Одгард и ги увери сите дека е добро.