Милан кубури со формата и се мачи на сите фронтови, а последна капка беше поразот во Болоња (2-1) во заостанатиот натпревар од Серија А.
Навивачката група „Курва Суд“ веќе некое време е во војна со американската управа на „росонерите“, а сега објавија ултиматум и закана. Доколу играчите не се разбудат и управата не се консолидира, навивачите најавија бојкот на натпреварите.
„Сега е почеток на март, а нашата сезона е веќе готова или барем речиси. Останаа уште две дерби пресметки во Копа Италија кои можат да ви помогнат да си го вратите достоинството или дефинитивно да го потврдите својот целосен неуспех. Минатото лето го продолживте ланецот грешки од минатото, а во јануари ги поправавте грешките. Проблемот е во отсуството на авторитет и сопственичката структура (Кардинале не бил во Милано од септември), напротив својата работа ја делегираше на своите соработници. Исто така елиминирана беше клучна фигура како спортскиот директор, која е фундаментална. Тренерот кој не смени многу по доаѓањето на клупата, не успеа да го поправи односот на играчите на теренот. Фудбалерите беа целосно поддржани од нас до овој четврток, иако трпевме натпревари како тој во Загреб, Ротердам, Болоња и многу други.
В недела ќе влеземе на стадионот дури во 15. минута, а ја охрабруваме и обичната публика да го направи истото. Ако не видиме значајни промени во играта и пред се во вашиот став, ќе дојдеме до точка целосно да ве напуштиме, оставајќи ве сами со вашиот срам. На крајот на годината потребен е целосен ресет, американскиот модел потфрли од сите аспекти. Потребни се структурни промени и нова командна линија од фудбалски луѓе ако сакате сериозно да го реизградите најуспешниот италијански клуб и да го вратите „миланизмот“ меѓу навивачите“, стои во соопштението.
Тие веќе на дуелот со Лацио в недела ќе влезат на трибината од 15. минута, а одново нема да има знамиња и транспаренти како што е веќе некое време.