Наполи му го нанесе првиот пораз на Јувентус во Серија А оваа сезона (ВИДЕО)

Наполи со пресврт го победи Јувентус со 2-1, за тимот на Тијаго Мота ова беше прв пораз во Серија А оваа сезона.

По едно полувреме им припадна и на двете екипи, со таа разлика што Наполитанците во своето дадоа два гола.

Јувентус поведе со погодок на новото засилување Коло Муани во 43. минута. Одлично деби за фудбалерот кој пристигна од ПСЖ.

Во 57. минута Ангиса го изедначи резултатот на 1-1, а десетина минути подоцна беше досуден пенал за Наполи кој го реализираше Лукаку за комплетен пресврт и победа од 2-1.