Наполи ќе го казни непослушниот Лукаку!

Директорот на Наполи, Џовани Мана потврди дека Ромелу Лукаку ќе добие казна поради непослушност.

Белгискиот напаѓач не се појави во Наполи кога клубот му рече да го направи тоа, Лукаку реши да остане во Белгија, а тоа ги налути Наполитанците.

„Ќе има казна за Ромелу Лукаку. Ромелу реши да не се врати кога ние му кажавме да се врати и остана во Белгија да ја лечи својата повреда. Тимот мора секогаш да биде на прво место. Ние ќе ги преземеме нашите мерки“, изјави Мана.

Лукаку се врати по долгата пауза поради повреда, но засега добива ограничена минутажа додека не биде во полн фитнес.