Наполи го „врза“ уругвајскиот бек до 2030 година

Екипата на Наполи во своите редови го задржа Матијас Оливера со нов договор.

Уругвајскиот фудбалер стави продолжување на соработката до јуни 2030 година. 27-годишникот е дел од Наполи од 2022 година, откако претходно играше за Албасете, Хетафе, Атенас и Насионал.

Оливера од доаѓањето во Неапол за овој клуб одигра 90 натпревари и даде три гола. Исто така има и 26 настапи за репрезентацијата на Уругвај.

Оваа сезона Матиас Оливера има 22 настапи за Наполи во Серија А и Копа Италија..