Како што пренесува Тутомеркатовеб, Интер размислува за шокантен трансфер и ангажман на Душан Влаховиќ во случај Маркус Турам да се пресели во ПСЖ.
„Нероаѕурите“ летоска можат да останат без услугите на Маркус Турам, напаѓачот има откупна клаузула од 85 милиони евра и ПСЖ пројавува сериозен интерес.
„Светците“ имаат финансиска моќ да реализираат една ваква зделка, па Интер крои планови во случај да треба да го замени Французинот.
Џонатан Дејвид од Лил е една опција, репрезентативецот на Канада е прилично примамлива опција бидејќи може беспари да пристигне на „Меаца“.
Но како што пренесува Тутомеркатовеб, Интер на ум има и шокантен трансфер и ангажман на Душан Влаховиќ.
Една ваква зделка ќе биде далеку поскапа и покомплицирана, но Интер го преферира Душан Влаховиќ поради тоа што Србинот веќе е докажан во Серија А.
Останува да се види дали Јувентус е подготвен да седне на маса со својот лут ривал и да договори ваков трансфер, кој сигурно ќе предизвика негодување кај навивачите.