Медиумите во Шпанија еден ден по дебаклот против Пари Сен Жермен во полуфиналето на Светското клупско жестоко ги критикуваат фудбалерите на Реал Мадрид, а најлошо помина дефанзивецот Раул Асенсио.
Асенсио не се прослави против актуелниот европски шампион и направи грешка уште на стартот со која ПСЖ го отвори резултат.
Покрај лошиот настап во полуфиналето новинарите на „Марка“ потенцираат дека Асенсио одиграл лошо и на претходните дуели на турнирот.
За настапот против ПСЖ доби оценка „нула“ и навистина е реткост некој фудбалер за својот настап да биде оценет на таков начин.
„На Светското клупско првенство униши се добро од почетокот на сезоната и поради тоа не доби шанса. Направи три лоши грешки во три разлчни натпревари и тие го прикажаа во лошо светло, не само за клубот, туку и за репрезентацијата“, објаснува „Марка“.