Најдоски е нов технички директор на Вардар: Среќен сум што се вратив дома

На денешната прес конференција Вардар го промовираше Илија Најдоски во нов технички директор со што продолжи ревардаризацијата во нашиот најтрофеен клуб.

„По долго време повторно се враќам во Вардар. Мило ми е што по 29 години ќе бидам во мојот дом, во овој клуб во овој историски момент и настапот во групната фаза од Лигата на Европа. Се надевам на добри резултати во соработка со стручниот штаб и со останатите. Со моето искуство ќе помогнам околу екипата и спортскиот дел. Верувам дека Зенит беше само еден лош ден, сметам дека против Розенборг и во другите натпревари од групата тимот ќе биде подобар“, изјави Најдоски.