Озлогласеното име на италијанскиот фашистички лидер Бенито Мусолини во минатото беше многу популарно во Италија. Лидерот на Фашистичката партија на Италија беше силно поддржан на „чизмата“, а сега дојде време неговото презиме одново да се врати во мода.
Причината сепак е многу посветла и поубава. Се работи за правнукот на поранешниот фашистички лидер, Романо Флоријани Мусолини кој игра фудбал во Серија Б за Јуве Стабиа.
21-годишникот е позајмен од Лацио во овој второлигаш, а на терените викендов беше стрелец на единствениот гол во победата на Јуве Стабиа против Чезена (1-0). Поради тоа, околу 5.000 гледачи на трибините го скандираа презимето на Мусолини, инспирирани од спикерот кој го извикуваше неговото име во славјето.
Romano Floriani Mussolini (yes the great-grandson of Benito) scores for Juve Stabia in Serie B & the rest is…bizarre.pic.twitter.com/2pF1cxYgSb
— Nima Tavallaey Roodsari (@NimaTavRood) December 22, 2024