Мусиала го добива најбогатиот договор во историјата на Баерн за да продолжи во Минхен

Медиумите од Германија пренесуваат дека Џамал Мусиала ќе го добие најбогатиот договор во историјата на Баерн Минхен, пакетот ќе биде вреден 100-125 милиони евра.

„Баварците“ работат на продолжување на договорите на неколку играчи и се верува дека се блиску до задржување на Џамал Мусиала.

Се говори дека офанзивниот фудбалер ќе го добие најбогатиот договор во историјата на Баерн за да продолжи во Минхен.

Неговата плата ќе биде преку 20 милиони евра во сезона слично како онаа на Хари Кејн и Роберт Левандовски (одредени извори пишуваат дека платата ќе биде и до 25 милиони евра по сезона).

Но главна разлика е тоа што Џамал Мусиала ќе стави потпис на четири или пет години и целиот пакет ќе вреди 100-125 милиони евра.