Ко-сопственикот на Манчестер јунајтед, Сер Џим Ратклиф откри како реагирал Сер Алекс Фергусон кога дознал дека мора да биде тргнат од платен список поради финансиските проблеми со кои се соочува клубот.
Сер Џим Ратклиф реши да крати трошоци па имаше бран на отпуштања, „клоца“ доби и легендарниот Сер Алекс Фергусон, кој ја извршуваше функцијата глобален амбасадор.
Ко-сопственикот на „ѓаволите“ во разговор со Би-Би-Си сега открива како се одвивала дискусијата, и како реагирал легендарниот Шкот.
„Му симнувам капа на Сер Алекс Фергусон“ – вели Сер Џим Ратклиф.
„Седневме на разговор, само ние двајца, и му реков, „Види, клубот не е во позицијата која ти ја замислуваш. Трошиме многу повеќе отколку што заработуваме и ќе влеземе во проблеми. Искрено, не можеме повеќе да си дозволиме да ти плаќаме 2 милиони фунти годишно““.
„Му порачав, „Оставам на тебе, размисли и кажи ми“. Се однесуваше многу зрело, можеби беше нервозен на почетокот. Но сфати во каква ситуација е клубот, па после три дена се врати и ми кажа, „Во ред, се повлекувам, ова е мојата одлука““.
„Ова доволно говори што човек е Сер Алекс Фергусон, го стави клубот пред своите лични интереси“.