Модриќ има шанса да се „зацврсти“, ќе игра за 28. трофеј во дресот на Реал!

Реал Мадрид во финалето на Интеркониненталниот куп (досега Светско клупско првенство) ќе се судри со Пачука за трофејот.

„Кралевите“ како европски првак дојдоа директно во финалето, додека Пачука играше веќе три рунди на патот до мечот за трофејот. Секако Реал важи за огромен фаворит за трофејот и треба да се случи сензација за да не го освои.

Доколку победат во финалето Лука Модриќ ќе ја продлабочи својата легенда во клубот. Хрватот има можност да го освои 28. трофеј во дресот на Реал Мадрид.

Тој во моментов е рекордер со 27, а при победа во Интерконтиненталниот куп ќе се одлепи на врвот дополнително.