Модриќ ги загрижи Хрватите: Не се појави на прес-конференцијата пред натпреварот со Франција

Капитенот на репрезентацијата на Хрватска, Лука Модриќ ja загрижи хрватската јавност откако не се појави на редовната прес-конференција пред натпреварот со Франција.

Планот беше Модриќ да се појави на прес-конференцијата и да ги изнесе своите очекувања, но во последен момент дојде до промена.

Место Модриќ на прес-конференцијата се појави голманот Доминик Ливаковиќ. Од Фудбалската федерација на Хрватска подоцна информираа дека Модриќ го загубил гласот и поради тоа не се појавил.

Засега не е познато дали станувало збор за настинка или нешто друго.