Минатата сезона имаше 15, но сега австриски клуб се надмина со бројот на спонзори на дресот!

ТСВ Хартберг повторно ја освои интернет публиката, овојпат со дрес кој делува како билборд. Австрискиот прволигаш успеа да смести дури 23 различни спонзори на новата гарнитура дресови.

Клубот и минатата сезона беше мета на коментари и шеги поради тоа што на дресот имаше 15 спонзори, но сега ја надмина таа бројка и направи вистински маркетинг спектакл.

Од горе до долу, дресот на Хартберг е пополнет со логоа, а тоа е сцена која ретко се гледа, особено во професионалниот фудбал каде многу екипи се борат и за еден главен спонзор.

Хартберг со ова повторно се најде во фокусот на јавноста и покажа дека креативноста во фудбалскиот маркетинг нема граници.