Реал Мадрид го одржа перфектниот старт во новата сезона на Ла Лига и во 5. коло на „Сантијаго Бернабеу“ го совлада Еспањол со 2-0.
Домашните навивачи уживаа во вистински спектакл. Најубавиот момент на средбата се случи уште во 22. минута кога Едер Милитао со маестрален удар од речиси 40 метри постигна еден од најубавите голови во последните сезони. Голманот Дмитровиќ немаше никаква шанса, а Реал стекна водство кое го одржа до паузата.
MILI-WOWWWWWW!@EderMilitao | #LaLigaHighlights pic.twitter.com/xt6qofGOTQ
— Real Madrid C.F. (@realmadriden) September 20, 2025
Веднаш по стартот на второто полувреме на сцена стапи Килиан Мбапе, кој во 47. минута со прецизен шут ја потврди својата форма и го постави конечниот резултат 2-0. До крајот избраниците на Алонсо сигурно го контролираа ритамот и не му дозволија на Еспањол да се врати во игра.
Со овој триумф Реал останува единствениот тим со максимални 15 бодови и цврсто е на врвот на табелата. Во следното коло ќе гостува кај Леванте, додека Еспањол по првиот пораз сезонава останува на 10 бодови и ја дели третата позиција.