Милан му поставил еден услов на Манчестер јунајтед за трансфер на Рашфорд

Како што пренесува Тајмс, Милан му порачал на Манчестер јунајтед дека може да го ангажира Маркус Рашфорд само под услов „ѓаволите“ да покриваат 50% од платата на напаѓачот.

Милан сака да го ангажира Маркус Рашфорд на позајмица во зимскиот преоден рок и отвори преговори со Манчестер јунајтед.

Како што пренесува Тајмс, „росонерите“ поставиле еден услов и порачале дека се подготвени да покријат само половина од платата на напаѓачот, останата половина треба да ја плаќаат „ѓаволите“.

Се верува дека Маркус Рашфорд на Олд Трафорд има неделна плата од 325.000 фунти, па и со половина од оваа сума (нешто над 160.000 фунти), тој ќе биде најплатениот играч на Сан Сиро.

Во моментов, најголема плата во Милан има Алваро Мората со околу 150.000 фунти неделно.