Милан ќе има нов тренер, Консеисао заминува од Сан Сиро!

Вчерашниот пораз од Болоња во финалето од Купот на Италија и дефинитивно му пресуди на Сержо Консеисао, тој го напушта клубот.

Од претходно беше јасно дека разделбата меѓу двете страни е блиску, но се чекаше куп разврската за дефинитивно да биде донесена одлуката.

Фабрицио Романо пишува дека Консеисао и дефнитивно заминува од Милан по крајот на сезоната.

Росонерите ќе влезат во потрага по нов тренер.

Консеисао имаше фантастичен почеток, го освои Суперкупот на Италија со Милан по што падна и неговото препознатливо славење со пурите во соблекувалната, но оттогаш следуваа само разочарувања кои кулминираа со поразот во купот.

Покрај Консеисасо, од клубот ќе замине и Жоао Феликс кој беше на позајмица, тој се враќа во Челси.