Милан има шест опции за нова „деветка“

Милан веќе го насочува фокусот кон следната сезона, а главна цел ќе биде ангажман на класичен напаѓач по разочарувачката ефикасност оваа година.

Инвестициите во Кристофер Нкунку и Сантијаго Хименез не ги дадоа очекуваните резултати, па можно е нивно заминување, додека Никлас Филкруг нема да остане по завршувањето на позајмицата.

На листата на желби се Моиз Кин и Душан Влаховиќ. Сепак, нивните трансфери се финансиски комплицирани, додека како изненадувачка опција се споменува и Роберт Левандовски.

Пореални решенија се Николас Џексон, како и Матео Ретеги и Дарвин Нуњез, иако и нивните договори моментално претставуваат пречка за реализација.