Гатузо дојде на тренерското столче како наследник на Монтела кој доби отказ. Но речиси никој не верува дека Џенаро ќе има долга иднина како тренер на росонерите.
„Газета дело Спорт“ пишува дека директорите Фасоне и Мирабељи работатна ангажман на друг тренер со многу подобро педигре од Гатузо.
Мета на Милан се Антонио Конте и Карло Анчелоти.
Антонио Конте изрази подготвеност да се врати во Италија, но нејасно е кога тоа ќе се случи. Доколку добие добра понуда од „росонерите“ и амбициозен проект можно е да прифати.
Другата опција е Карло Анчелоти со кој Милан имаше успеси и во Серија А и во Лигата на шампионите.
Доколку некое од овие две големи тренерски имиња се нафати да го преземе кормилото на Милан, тоа нема да се случи во тековната сезона, туку пред почетокот на следната.
Се типува дека Гатузо ќе добие шанса до крајот на сезоната, но не се отфрла можноста да остане и подолго доколку покаже резултати и го однесе Милан во Лигата на шампионите иако во моментов тоа изгледа невозможно.