Хозе Анхел Креспо раскажа како пред 10 години добил забрана да излезе пред медиумите и да упати критики на адреса на Кристијано Роналдо и Реал Мадрид.
Во сезоната 2014/2015, на натпреварот помеѓу Кордоба и Реал Мадрид, Кристијано Роналдо поцрвене откако без топка удри противнички фудбалер. Португалецот потоа се спречка со уште неколку домашни играчи.
Еден од актерите во тој инцидент беше и Хозе Анхел Креспо, кој десет години подоцна откри дека тогаш добил чудна наредба.
„Искрено, Роналдо имаше ужасен натпревар. Благодарејќи на нашиот колективен напор, тој не можеше да се поврзе, и во финишот од натпреварот доби црвен“ – раскажува Хозе Анхел Креспо.
„Требаше да се појавам пред новинарите и да кажам што се случуваше на теренот, но во последен миг добив повик од претседателот на Кордоба“.
„Ми нареди да исчезнам и дека не смеам да кажам ниту еден лош збор за Кристијано Роналдо и Реал Мадрид. Тој бил добар пријател со Флорентино Перез, па ми забрани да критикувам“.
„Беше навистина жално, се криев од новинарите“.