Поранешниот фудбалер Алваро Гонзалез раскажа една анегдота од терените и како го провоцирал Лео Меси, можел само да му замери за височината на Аргентинецот, не и за фудбалските вештини.
Алваро Гонзалез, кој играше за клубови како Расинг, Сарагоса, Еспањол, Виљареал и уште неколку други, оваа недела реши да стави крај на кариерата и да се фокусира на други проекти.
Шпанецот сега гостуваше во емисијата „Ел Чирингито“, се осврна на својата кариера и раскажа неколку интересни приказни од фудбалските терени.
Една од нив беше поврзана со Лео Меси и кошкањето со Аргентинецот на локалното дерби помеѓу Еспањол и Барселона во 2016 година.
😯 La INTRAHISTORIA de la DISCUSIÓN de @AlvaroGonzalez_ con MESSI.
— El Chiringuito TV (@elchiringuitotv) March 30, 2026
🗣️ "Leo me llamó malo y yo le dije que era muy bajo".
👐 "Era lo único que le podía decir…" pic.twitter.com/4NSzO8ZGzP
„Меси ми рече дека сум многу лош, но ова може да им го каже практично на сите! Па тој може на 99% од фудбалерите да им каже дека се многу лоши… не може да му каже само на Роналдо… на останатите, вклучувајќи ме и мене, слободно може да им каже. Јас и онака не сум нешто посебно спретен со нозете“ – вели Алваро Гонзалез.
„Јас сепак не можев да премолчам, морав нешто да му вратам, и единствено што можев да му кажам е дека е многу низок, тоа прво ми падна на памет!“.