Легендарниот Андрес Иниеста стави крај на фудбалската кариера, на 40-годишна возраст реши да се пензионира и конечно да ги „обеси копачките“.
Меси и Иниеста креираа историја во Барселона, па сега Аргентинецот има порака за својот поранешен соиграч.
Лео преку инстаграм стори напиша неколку убави зборови за шпанскиот фудбалски мајстор.
„Андрес, ти беше еден од соиграчите со најмногу магија, еден од оние со кои најмногу уживав да играм. Ќе ѝ недостасуваш на топката, а и на сите нас. Секогаш ти посакувам најдобро, ти си феномен“, напиша Меси.
