„Меси го прави фудбалот полесен за игра“

Офанзивецот на
Барселона, Осман Дембеле ужива играјќи во друштво на петкратниот освојувач на
Златната топка, Лионел Меси, како тимски соиграч во тимот од Камп Ноу, а за
аргентинската ѕвезда тој вели дека го прави фудбалот полесен за игра на теренот.

21 годишниот
Дембеле има далеку подобра форма во втората половина од актуелната сезона во
Барса, а за клупскиот официјален сајт посочи какви се бенефитите да имате
соиграч од типот на Меси.

„Одлично е, тој
го прави фудбалот полесен за игра, само ќе му ја додадам топката и тој ќе
направи неверојатни работи со неа. Кога тој е на теренот, лесно е да сте
напаѓач во таа екипа, бидејќи ривалите главно се фокусираат на него“ посочи
младиот Французин.