Денеска Македонија ги доби противниците во Лигата на Нации во „Б“ сегментот каде што ќе играме за првпат од формирањето на ова натпреварување, а ждрепката сакаше да сме во тешка група со Шкотска, Словенија и Швајцарија.
Сите противници се подобро рангирани од нас, меѓутоа во дуелите со Словенија имаме позитивна статистика бидејќи сме одиграле седум натпревари во кои сме запишале четири победи, двапата ремизиравме и само еднаш сме биле поразени.
Треба да се каже и дека Словенија е репрезентацијата против која одигравме нашиот прв официјален натпревар.
НАТПРЕВАРИ ПРОТИВ СЛОВЕНИЈА:
Словенија – Македонија 1-4 1993
Македонија – Словенија 2-0 1994
Македонија – Словенија 3-2 2012
Словенија – Македонија 1-0 2016
Словенија – Македонија 1-1 2019
Македонија – Словенија 2-1 2019
Македонија – Словенија 1-1 2021
Шкотска е подобра од нас бидејќи двапати сме биле поразени, еднаш сме победиле и еден дуел завршил нерешено.
НАТПРЕВАРИ ПРОТИВ ШКОТСКА
Македонија – Шкотска 1-0 2008
Шкотска – Македонија 2-0 2009
Шкотска – Македонија 1-1 2012
Македонија – Шкотска 1-2 2013
Кога е Швајцарија во прашање со нив овие ќе бидат први бидејќи ова е една од ретките европски селекции против која досега не сме имале прилика да се соочиме. Но, со оглед тоа дека станува збор за селекција која редовно учествува на најголемите натпреварувања нема дилеми дека ќе имаме тешка задача.