Мбапе се израмни со Роналдо и Ван Нистелрој, до крајот на сезоната брка апсолутен рекорд на Реал!

Килиан Мбапе беше двоен стрелец во победата на Реал Мадрид над Леганес (3-2) во 29. коло на Ла Лига.

Со овие два гола Французинот успеа да се израмни со Кристијано Роналдо по бројот на голови во дебитантската сезона носејќи го „кралскиот“ дрес. Мбапе има 33 погодоци на 45 натпревари, а исто толку Роналдо даде во 35 меча.

До крајот на сезоната Мбапе речиси сигурно ќе го надмине и Иван Заморано кој е водечки во овој параметар со 37 погодоци.

• Најдобри дебитантски сезони во дресот на Реал:

Иван Заморано, сезона 1992/93 (37 гола, 45 меча)
Кристијано Роналдо, сезона 2009/10 (33 гола, 35 меча)
Килиан Мбапе, сезона 2024/25 (33 гола, 45 меча)
Руд Ван Нистелрој, сезона 2006/07 (33 гола, 47 меча)
Роналдо Назарио, сезона 2002/03 (29 гола, 43 меча)