Фудбалерите на Реал Мадрид со доста мака славеа на домашниот меч против Леганес (3-2) во 29. коло на Ла Лига.
„Кралевите“ сериозно се измачија на „Сантијаго Бернабеу“ бидејќи поведоа па дозволија пресврт, а потоа се извлекоа и победија.
Резултатот го отвори Килиан Мбапе со гол од белата точка по девет минути игра. Во финишот на полувремето со головите на Гарсија и Раба екипата на Леганес стигна до пресврт (1-2). Сепак, на стартот на продолжението израмнување донесе Џуд Белингем.
Реал притисна и на крајот тоа резултира со гол за 3-2, а повторно стрелец беше Мбапе. Французинот од слободен удар одигра воиграна ситуација, ја допре топката само до Фран Гарсија, а овој му ја смири малку подесно па Мбапе реализира во 76. минута.
Со овој триумф Реал Мадрид го одржа притисокот врз Барселона бидејќи се израмни на по 63 бода.