Марка најавува трансфер бомба, Реал го договорил Мбапе за 180 милиони евра!

„Кралевите“ подолго време се поврзуваат со суперталентираниот Французин, и Зинедин Зидан ова лето одново разговараше со Килијан Мбапе и го убедуваше да му се придружи на Бернабеу.

Последните информации велат дека Реал Мадрид и Монако начелно постигнале договор за трансфер вреден 180 милиони евра.

Рекордната сума е поделена на 160 милиони евра плус уште 20 милиони евра во бонуси, иако некои извори говорат за 150 милиони евра, плус уште 30 додатни милиони евра во бонуси.

Во меѓувреме, неколку медиуми повикувајќи се на луѓе од Монако, објавија дека клубот од Луј Втори демантира договор за продажба на Килијан Мбапе.

Со ваква сторија излегоа Скај Спортс и Нис-Матин.