Манчестер Сити со 3-1 славеше во дербито против Челси, Ерлинг Халанд ја тероризираше одбраната на противникот и ги предводеше „граѓаните“ до три бода и враќање во топ четири на табелата.
Во последниот денешен натпревар во Премиерлигата, Манчестер Сити пред своите навивачи го совлада Челси со 3-1.
Гостите одлично го отворија натпреварот и поведоа преку Мадуеке уште во 3. минута.
Сепак, „граѓаните“ се вратија во игра во финишот на првиот дел, Гвардиол изедначи на 1-1 во 42. минута.
Манчестер Сити направи комплетен пресврт во 68. минута, Халанд одлично се снајде при една исфрлена топка од Едерсон, го искористи непотребното излегување на голманот на Челси и лобуваше за 2-1.
Победата беше осигурана во 87. минута, кога Халанд повторно беше посилен од својот чувар, ја зачува топката и одлично го уфрли Фоден, кој реализираше за 3-1.