Манчестер Сити потврди дека Ерлинг Халанд ќе мора на пауза поради повреда.
Норвежанецот заработи повреда на зглобот на левата нога во дуелот од ФА Купот против Борнмут. Поради тоа Халанд го очекува пауза од фудбалот и Сити ќе мора да се снаоѓа без најдобриот напаѓач.
„Манчестер Сити може да потврди дека Халанд има повреда на левиот зглоб. Норвешкиот напаѓач се повреди во текот на неделната победа во четвртфиналето на ФА Купот со Борнмут. Тој беше подложен на тестови и проценките се во тек за да се утврди целосната прогноза за кам-бекот. Се очекува Ерлинг да заигра до крајот на сезоната, како и на Светското клупско првенство“, напишаа од клубот.
Оваа сезона Ерлинг Халанд постигна 30 погодоци на 40 настапи за Манчестер Сити во сите натпреварувања.
Повредата е нов удар за Сити кој долго време е без Родри, а доста натпревари пропушти и Кевин Де Брујне.