Пеп Гвардиола барем на малку може да здивне, Манчестер Сити денеска со 2-0 триумфираше на гостински терен кај Лестер.
Лестер одигра одличен меч, напаѓаше, но Манчестер Сити за разлика од домаќините ги искористи шансите и дојде до триумф.
Савињо во 21. минута начека една одбиена топка и ја смести во мрежата на Лестер за 1-0 за Манчестер Сити.
Лестер жестокот напаѓаше особено во второто полувреме, но мечот беше решен во 74. минута кога Савињо овојпат беше асистент, а Халанд погоди за конечни 2-0 за Манчестер Сити.
Во останатите денешни натпревари Тотнем и Вулвс одиграа 2-2, со ист резултат заврши и мечот меѓу Фулам и Борнмут. Нотингем форест ја продолжи добрата форма и со 2-0 славеше кај Евертон, а Кристал Палас со пресврт го совлада Саутемптон со 2-1.