Манчестер јунајтед со 3-2 го победи Ипсвич во меч во кој црвените ѓаволи повеќе од 50 минути играа со фудбалер помалку, Сити со гол на Халанд со 1-0 славеше на гостувањето кај Тотнем.
Мечот на Олд Трафорд започна ужасно за Манчестер јунајтед, Ипсвич поведе во четвртата минута со гол на Филоген по една неверојатна грешка на Доргу и Онана.
Но, веќе во 22. минута Морси си даде автогол за израмнување на 1-1, а четири минути подоцна Де Лихт постигна погодок за комплетен пресврт и предност на Јунајтед од 2-1.
Во 44. минута Доргу заработи директен црвен картон поради остарт старт со отворен ѓон, Манчестер јунајтед остана со фудбалер помалку.
Тоа брзо го искористи Ипсвич и пред крајот на првото полувреме Филоген повторно даде гол овојпат за 2-2.
Но и покрај тоа што имаа играч помалку, Манчестер јунајтед дојде до победа од 3-2 благодарение на гол на Мегваер по две минути игра во второто полувреме.
Манчестер Сити со гол на Халанд уште во 12. минута го победи Тотнем на негов терен со минимални 1-0.
На мечот меѓу Нотингем форест и Арсенал немаше голови, дуелот заврши 0-0.
Нерешено заврши и натпреварот меѓу Брентфорд и Евертон, на овој дуел имаше по еден гол на двете страни.
