Според пишувањата на Сан, Манчестер јунајтед сака да го испрати Маркус Рашфорд во Наполи, како дел од зделката со која Виктор Осимен ќе се пресели на Олд Трафорд.
Маркус Рашфорд не добива шанса од Рубен Аморим и често се говори дека ќе го напушти Манчестер јунајтед.
Вчера се појавија информации кои велеа дека три клуба од Саудиска Арабија доставиле богати понуди до напаѓачот (околу 35 милиони фунти по сезона), но тој ги одбил бидејќи сака да настапува во конкурентно првенство.
Како што пишува Сан, „ѓаволите“ кројат план како да му ја исполнат оваа желба на Англичанецот, и притоа да донесат квалитетно засилување.
Идеата е да го испратат Маркус Рашфорд во Наполи, како дел од зделката со која Виктор Осимен ќе се пресели на Олд Трафорд.
Интересот на Антонио Конте за Маркус Рашфорд ја подотвора вратата за еден ваков трансфер, плус двата клуба веќе имаа едни успешни преговори минатото лето, кога Скот Мектоминеј се пресели на југот на Италија.