Новинарот Бен Џејкобс вели дека Манчестер јунајтед летоска ќе донесе засилување за левата крилна позиција, а топ трансфер цел е младиот Јан Диоманде од РБ Лајпциг.
„Ѓаволите“ минатото лето потрошија околу 200 милиони фунти на засилувања, а слична сума ќе биде одвоена и ова лето, под услов да биде обезбеден настап во Лигата на шампиони.
Ново лево крило ќе биде помеѓу приоритетите, а како што пренесува новинарот Бен Џејкобс, високо на листата со желби е поставен младиот Јан Диоманде од РБ Лајпциг.
19 годишното момче блесна оваа сезона во дресот на „биковите“, па неколку гиганти како Арсенал, Ливерпул, Баерн Минхен и Барселона го вметнаа тинејџерот во своите бележници.
РБ Лајпциг трие раце, и очекува понуди од околу 100 милиони евра.
„Ѓаволите“ знаат дека една ваква зделка воопшто нема да биде лесна, па имаат и план Б во името на Антони Гордон од Њукасл.
ФОТО: X/RB Leipzig English