Манчестер Јунајтед доставил понуда во пакет да купи двајца фудбалери на Баерн Минхен

Новинарот Дејвид Орнштајн објави дека Манчестер јунајтед доставил понуда до Баерн Минхен во пакет да ги купи Матајс де Лихт и Нусаир Мазрауи, но предлогот бил одбиен.

Манчестер јунајтед имал обид во пакет да ги купи Матајс де Лихт и Нусаир Мазрауи, ова утрово го објави новинарот Дејвид Орнштајн од Атлетик.

Двајцата фудбалери делат ист агент (Рафаела Пимента, наследничката на империјата на Мино Раиола), и „ѓаволите“ веќе ги испеглале личните услови за петгодишна соработка и со Де Лихт и со Мазрауи.

Клубот од Олд Трафорд потоа доставил конкретен предлог до Баерн Минхен, но „баварците“ им порачале дека се потребни повеќе пари за реализирање на зделката.

Преговорите продолжуваат, двата клуба ќе се обидат да најдат компромис во следниот период.