158
Возбудливото дерби на Етихад му припадна на Манчестер Сити. Лестер поведе благодарејќи на расположениот Џејми Варди, кој по една контра ја префрли топката преку Едерсон за водство на гостите од 0-1.
Избраниците на Пеп Гвардиола сепак до крајот на полувремето го свртеа резултатот во своја корист. Марез изедначи на 1-1, а Гундоган од пенал донесе 2-1.
Трите бода беа осигурани во 69. минута, Жесус рутински ја затресе мрежата на Лестер откако остана осамен на подалечната статива.
Со овој триумф, Манчестер Сити испиша нова историја и стана само вториот тим со 250 победи во Премиерлигата во една декада. Манчестер јунајтед е првиот со вакво постигнување, „ѓаволите“ имаа 255 победи во периодот од 2000 до 2009.